chiraagon se andhera mitegaa kahaan tak
vichaaron ke sooraj jalaane padengey
bujhegi nahin jalan aankhon ki aisey
kuch jharne sneh ke bhaane padengey
thokar wahin kal lagegi humein bhi
jiss path par paashaaN hum chhod dengey
kal humko bhi kaante hi kaante chubhengey
jo upvan se sumanon ko hum tod dengey
kab tak bahaarein sajengi dharaa par
naye mausam humein hi sajaane padengey
na socho hume kuch bhi milta nahin hai
kuch tootey huey taaron ko jodney par
milta hai chain kitna bechain man ko
banjar mein nadiyon ka mukh modne par
taruon mein chhaaya milegi kahaan tak
apanatv ke thehraav banaaney padengey
bujhegi nahin jalan aankhon ki aise
kuch jharne sneh ke bahaaney padengey
All rights are reserved with @Kavi Deepak Sharma
http: //www.kavideepaksharma.co.in
http: //www.kavideepaksharma.com
http: //shayardeepaksharma.blogspot.com
http: //kavideepaksharma.blogspot.com
Tags: Hindi,kavita,geet,ghazal,nazm,falakdipti,Manzar,Shayar,Urdu,Poem
Subscribe to Indian Television & Bollywood Forum |
